ე.წ. „ვახვახიანთ ციხე-გალავანი“ ერთ-ერთია იმ სამი ისტორიული ციხიდან, რომელიც თელავის განაშენიანებაშია ჩართული. ციხე-სიმაგრის ფუნქციის დაკარგვის შემდეგ მისი ბურჯები საცხოვრებლად გამოიყენებოდა, მათ შორის მე-18 საუკუნის ბოლოს აგებული სამხრეთ-აღმოსავლეთის ბურჯი, რომელიც ციხე-გალავნის ნაწილს წარმოადგენს. იგი ძირითადად აგებულია სხვადასხვა ზომის რიყის ქვისაგან და ზოგან გამოყენებულია ქართული ბრტყელი აგური. მე-19 საუკუნეში ბურჯის თავდაპირველი მოცულობა გადაკეთდა საცხოვრებლად, იგი ამჟამადაც საცხოვრებელ სახლს წარმოადგენს. ბურჯი ორი სართულისაგან შედგება. სადა, ყოველგვარ დეკორს მოკლებული ფასადი მინიმალურად არის დანაწევრებული სწორკუთხა კარ-სარკმლებით. პირველ სართულზე ორი კარია გაჭრილი, ხოლო მეორეზე – ორი სარკმელი. ბურჯის ორივე მხარეს გვიანდელი მოცულობებია მიშენებული. უნდა ითქვას, რომ გვიანდელი ჩარევების მიუხედავად, ღირებულია, როგორც თავდაპირველი შუასაუკუნეობრივი ფენა, ისე მე-19 საუკუნის შუა წლების ადაპტაციის შედეგი. არანაკლებ მნიშვნელოვანია ბურჯის ურბანული დატვირთვა, რადგან ის აქტიურად არის ჩართული თელავის ისტორიულ ლანდშაფტში.
The so-called “Vakhvakhiant Fortress” is one of the three historical fortresses, which is included in Telavi’s development. After the loss of the function of the fortress, its towers were used as dwellings, including the south-east tower, built at the end of the 18th century, which is part of the fortress. It is mainly built of cobblestones of various sizes, and Georgian flat bricks are used in some places. In the 19th century, the original volume of the tower was rebuilt into a living house. The tower consists of two floors. The facade, devoid of any decor, is minimally divided by rectangular doors and windows. Two doors are cut on the first floor, and two windows on the second. Later volumes are attached on both sides of the tower. It must be said that, despite the later interventions, both the original medieval layer and the result of adaptation of the mid-9th century is valuable. The urban load of the tower is no less important, as it is actively involved in the historical landscape of Telavi.
ძეგლი
